நீட் தேர்வில் அரசு பள்ளி மாணவர் சாதனை

நீட் தேர்வில் அரசு பள்ளி மாணவர் சாதனை படைத்துள்ளார்.

தேனி அருகேயுள்ள சில்வார்பட்டி அரசு மாதிரி மேல்நிலைப் பள்ளியில் படித்து ஜீவித் குமார் கடந்த ஆண்டு நீட் நுழைவுத் தேர்வு எழுதினார். இதில் 720-க்கு 193 மதிப்பெண்கள் மட்டுமே கிடைத்தன.

அவரது பள்ளி ஆசிரியர்கள் நிதியுதவி திரட்டி தனியார் பயிற்சி மையத்தில் ஜீவித் குமாரை சேர்த்தனர். இந்த ஆண்டு நீட் தேர்வு எழுதிய அவர் 720-க்கு 664 மதிப்பெண்கள் பெற்று சாதனை படைத்துள்ளார்.

நீட் நுழைவுத் தேர்வில் ஒடிசாவை சேர்ந்த சோயப் அப்தாப் 720-க்கு 720 பெற்று முதலிடம் பிடித்தார். தமிழகத்தை சேர்ந்த ஸ்ரீஜன் 710 மதிப்பெண் பெற்று தேசிய அளவில் 8-வது இடமும் தமிழக அளவில் முதலிடமும் பிடித்தார்.

Leave a Reply

Your email address will not be published. Required fields are marked *