மடிக்கணினியில் நீட் பாட வீடியோக்கள்

மடிக்கணினியில் நீட் பாட வீடியோக்களை பதிவேற்றம் செய்து வழங்க பள்ளிக் கல்வித் துறை நடவடிக்கை மேற்கொண்டு வருகிறது.

தமிழக மாநில பாடத் திட்டத்தில் பயிலும் அரசுப் பள்ளி மாணவர்களுக்கு 14 வகையான இலவச நலத்திட்ட உதவிகள் வழங்கப்படுகின்றன. இத்திட்டத்தில் பிளஸ் 1 படிக்கும் மாணவர்களுக்கு மடிக்கணினி வழங்கப்படுகிறது.

கொரோனா வைரஸ் காரணமாக பள்ளிகள் இன்னும் திறக்கப்படவில்லை. எனவே பிளஸ் 2 பயிலும் மாணவர்களுக்கு மடிக்கணினியில் அனைத்து பாடங்கள் தொடர்பான வீடியோக்கள் பதிவேற்றம் செய்து கொடுக்கப்பட்டுல்ளன.

மேலும் பிளஸ் 2 மாணவர்களுக்கு நீட் நுழைவுத் தேர்வு பாட வீடியோக்களையும் மடிக்கணினியில் பதிவேற்றும் செய்து வழங்க கல்வித் துறை நடவடிக்கை மேற்கொண்டு வருகிறது. 

நடப்பாண்டு பிளஸ் 2 பயிலும் மாணவர்களுக்கு இலவச நீட் பயிற்சி வகுப்புகள் வரும் நவ. 1-ம் தேதி முதல் இணையவழியில் தொடங்கப்பட உள்ளது. விருப்பமுள்ள மாணவர்கள், வகுப்பு ஆசிரியர்கள், தலைமை ஆசிரியர்களை தொடர்பு கொண்டு பெயரை பதிவு செய்து கொள்ளலாம்.

Leave a Reply

Your email address will not be published. Required fields are marked *